Ungka Flyover fully operational na sugod subong nga adlaw suno kay Mayor Jerry Treñas

ILOILO — Fully operational na sugod subong nga adlaw ang kontrobersyal nga Ungka Flyover base sa sulat nga nabaton ni Iloilo City Mayor Jerry Treñas halin kay DPWH 6 Director Sanny Boy Oropel.

Ginpa-athag sang alkalde sa iya Facebook post nga nagsulat siya bilang chairman sang Infrastructure Development Committee sang Regional Development Council kay Engr. Oropel. Nag-request ang alkalde kay Oropel kun puwede nga tempranuhon sa iya una ng pasalig nga Disyembre 25 ang pagbukas sang flyover.

“Earlier this month, as the Infrastructure Development Committee Chairperson of the Regional Development Council VI, I requested Regional Director Oropel to expedite the opening of the flyover ahead of its initial target date of December 25, recognizing the urgency of easing traffic congestion in the area and the significant benefits it will bring to our commuters this holiday season,” ang porsyon sang sulat ni Mayor Treñas.

Magapadayon naman suno kay Treñas ang pag-install sang steel railings sa kilid sang flyover.

Ginpaguwa naman sang Iloilo City Transportation and Management Office ang mga ginadumilian nga maglabay sa ibabaw sang Ungka Flyover.

Base sa listahan, indi puwede makalabay sa ibabaw ang dumptrucks, transit mixers, wingvans, trailer trucks, motorcycles, tricycles, kag bicycles. — Aksyon Cedrick Anona