Job hire sang Iloilo City Gov’t dakop sa drug buy bust sa Molo; Iya upod nakapalagyo bisan yara sa police station

ILOILO– Nadakpan ang job hire sang Iloilo city government sa drug buy bust operation sa East Baluarte, Molo samtang nakapalagyo ang isa niya ka upod subong nga hapon.

Ginkilala ang nadakpan kay Arien Cadiz nga job hire halin sa Beautification program sang city government. Samtang ang nakalagyo si Jennifer Marifosque, 50-anyos sang Sto Niño Sur, Arevalo.

Suno kay Police Colonel Kim Legada, director sang Iloilo City Police Office, yara na sa police station ang mga subject sang nagpalagyo ang si Marifosque.

Nag-CR lang si Marifosque, suno sa police sang wala na natalupangdan sang police kun diin na siya nagkadto.

Sa pagpangusisa sang Aksyon Radyo Iloilo News Team sa mga vendors sa Molo Plaza, may babaye nga nagpamangkot sa ila kun tagpila ang ila ginabaligya, nga nagsibo man sa deskripsyon sang police sa nakapalagyo nga subject.

Na-recover sa operasyon ang 120 grams sang suspected shabu nga ginabanta nagabalor sang P816,000.

Las 5 sang hapon sang nadakpan ang nagpalagyo nga subject.

Ginkumpirmar ini ni Police Captain Ryan Christ Inot, officer-in-charge sang Molo Police Station.

Detained sa Molo police ang duha ka subjects.