ILOILO CITY — Dead-on-arrival ang driver sang motorsiklo sang nakabunggo sa likod nga porsyon sang pribado nga salakyan sa Brgy. Cuartero, Jaro pasado las-3:30 kaina sang kaagahon.
Suno kay Police Corporal Andy Pava, traffic investigator sang Iloilo City Traffic Enforcement Unit, nakaliko na ang salakyan sa service road pakadto sa Sambag sang nakabunggo ang motorsiklo sa likod.
Nagtabog ang driver kag ang angkas suno sa police.
Sa imbestigasyon sang police, yara sa impluwensiya sang makahulubog nga ilimnon ang driver kag ang angkas.
Nakaagum sang gasgas sa nagkalain-lain nga parte sang iya lawas ang angkas.
May settlement na ang pamilya sang mga biktima kag ang tag-iya sang salakyan. — Aksyon Paula Elambayo
