Grupo sang mga pamatan-on nagrambol sa Passi City kadungan ang pagsug-alaw sang bag-ong tuig

ILOILO — Nagrambol ang grupo sang pamatan-on sa poblacion sang Passi City kadungan sa pagsug-alaw sang bag-ong tuig kaina sang kaagahon.

Suno kay Police Captain Maria Rosario Miranda, Deputy for Administration sang Passi City, nagtililipon ang mga pamatan-on agud magpagahod kuntani sang ila mga motorsiklo para sa New Year celebration apang nakibot ang mga nagaronda nga police sang gulpi lang may nagluntad nga komosyon.        

Wala ma-identify sang police kun pila ka mga pamatan-on ang involved sa grupo ukon may nadalahig nga menor-de-edad pero may nadakpan nga duha kag gin-detain sa Passi City Police Station. 

Sinuya-ay ang rason sang kinagamo suno pa kay Police Captain Miranda.  

Ginahibalo sang kapulisan kun sin-o ang nag-umpisa sang kinagamo. — Aksyon Cedrick Anona