ILOILO CITY—Nagkaya sa dalan sang Compania Central, Molo ang awto sang nakabunggo sa kudal nga human sa sin sang napiyungan ang 33-anyos nga driver las-10:30 kaina sang aga.
Suno kay Patrolman Jessie Tronco, traffic investigator sang Molo Police Station, papauli na kuntani sa Juntado Subdivision ang driver sakay ang iya mga ginikanan nga lunsay senior citizens.
Paathag sang driver, napiyungan siya pag-abot sa Compania Central kag nadulaan na sang kontrol sa manibela rason nga nawahig pakadto sa direksyon sang kudal.
Wasak ang hood kag bumper sang salakyan, buka ang windshield, kag puno sang gasgas ang nagkalain-lain nga parte sang salakyan.
Nagreklamo sang pagpalanakit sang lawas ang driver, samtang maswerte nga wala sang may napilasan sa ila lakip ang mga senior citizens niya nga ginikanan.
Samtang, natalana nga mag-istoryahanay ang driver kag tag-iya sang kudal sa pagpakay-o sang naguba nga propriedad.
Nagpa-ospital ang driver kag iya mga ginikanan pagkatapos sang aksidente. — Aksyon Marvin Malificiar
