Iloilo Sunset Boulevard buksan sa Enero 24

ILOILO CITY—Buksan na sa Enero 24 subong nga tuig ang Iloilo Sunset Boulevard, ang lima ka kilometro nga konektado nga dalan halin sa Tabucan, Mandurriao tubtob sa Cagbang, Oton.

Ini ang nahisugtan sa meeting nanday Iloilo City Mayor Jerry Treñas upod si Department of Public Works and Highways (DPWH) 6 Director, Engr. Sanny Boy Oropel Assistant Regional Director, Engr. Jose Al Fruto.

May himuon nga biking kag tree planting activities sa pagbukas sini sa Enero 24 nga pagatambungan ni former Senator Franklin Drilon.

Ang Iloilo Sunset Boulevard ang 5-kilometer eco-friendly road nga may apat ka lanes kun diin may na-install nga bike lanes, solar LED lights, kag viewing decks.

Naglab-ut sa P2.261 billion ang pondo sa pag-construct sang proyekto.