Isa sa mga pusil nga na-recover sa salakyan sang driver nga nag-arado sa bingkahan sa Jaro nakarehistro sa ngalan sang asawa ni the late PDEA-identified drug group leader Melvin Odicta — source

ILOILO– Nakarehistro kay Meriam Odicta, asawa ni the late PDEA-identified drug group leader Melvin “Boyet” Odicta ang isa sa mga pusil nga na-recover sa salakyan nga ginamaneho ni Ryan Anthony Soliva.

Si Soliva ang driver sang salakyan nga nag-arado sa mga bingkahan sa atubang sang Jaro Cathedral kag nakuhaan sang mga pusil sang Enero 12 sang kaagahon.

Si Soliva man ang pinakauna nga Comelec gun ban violator sa Western Visayas.

Suno sa reliable source sang Aksyon Radyo Iloilo, nakarehistro sa ngalan ni Meriam Odicta ang calibre .380 Smith & Wesson Pistol.

Ginpahayag sang source nga nakarehistro naman ang isa ka pistol sa taga-Makati City samtang ang armalite ang wala nakarehistro.

Una na nagguwa sa imbestigasyon sang police nga wala nakarehistro sa ngalan ni Soliva ang mga pusil nga na-recover sa salakyan nga iya ginamaneho.

Nagatinguha nga makapiyansa si Soliva pero gina-deny, suno sa source. — Aksyon Paula Elambayo