113 ka illegally-posted campaign materials sa Iloilo City ginpangbaklas sang Comelec sa una nga adlaw sang campaign period para sa national positions
133 ka mga illegally posted campaign materials ang ginpangbaklas sang mga personnel sang Comelec sa siyudad sa una nga adlaw sang campaign period para sa national positions.
Suno kay Election Assistant II Jonathan Sayno, sang Iloilo City Comelec, naglapas sa guidelines ang mga campaign posters sang mga kandidato rason nga ginpangbaklas.
Pinakamadamo nga ginbaklas nga campaign materials ang kanday Senatorial candidate Camille Villar nga naglab-ut sa 64 kag incumbent Senator Imee Marcos nga naglab-ut sa 54.
Ginasundan ini sa USWAG Ilonggo Party-list nga may siyam; Benhur Abalos nga may duha; Abby Binay nga may duha; incumbent Senator Bong Go nga may isa kag Senatorial candidate Ariel Querubin nga may isa.
May mga campaign materials suno kay Sayno nga nagadoloble sa isa ka common poster area gani nga ginpangbaklas sang Comelec.
Isa lang ka campaign poster sang kada kandidato sa tagsa ka common poster area.
Lakip man sa mga ginbasehan sa pagbaklas tungod naglapaw sa 2 ft X 3 ft nga size; wala sang may nabutang nga “paid for” ukon “paid by”; kag wala nabutang sa common poster areas kundi ginbutang sa mga poste kag sidewalks.
Magasige-sige ang operasyon sang baklas team sang Comelec kada adlaw agud ma-regulate ang pagpangampanya sang mga nagapadalagan sa 2025 midterm elections.
