Face-to-face classes sa tanan nga level sa Iloilo suspendido subong nga adlaw

ILOILO CITY — Suspendido ang face-to-face classes sa tanan nga level sa Iloilo City subong nga adlaw.

Ini base sa Executive Order No. 19, series of 2025 nga pirmado ni Mayor Jerry Treñas tungod sa grand rally sang alyansa sa bagong Pilipinas nga tambungan sang masobra 50,000 individuals.

Pasiraduhan ang pila ka mga dalan sa siyudad gani gin-suspend ang klase agud indi mahul-an ang mga estudyante.

Magluwas sa grand rally may himuon man nga “Trabaho Para sa Bagong Pilipinas” sa Iloilo Sports Complex ang Department of Social Welfare and Development (DSWD) nga tambungan sang masobra 5,000 individuals.

Tungod sini, gin-rekomendar ni TTMO kag Public Order and Safety Management Office Chief Ret. Col. Uldarico Gurbanzos nga i-suspend ang klase tungod sa kadamuon sang tawo nga matambong sa duha ka events kag ang pagpasirado sang service road sa Mandurriao.

“Upon the recommendation of the lloilo City Public Order and Safety Management Office and Iloilo City Traffic Management Office, considering the volume of participants expected to attend the “NATIONAL RALLY “of ALYANSA PARA SA BAGONG PILIPINAS and “TRABAHO PARA SA BAGONG PILIPINAS” and the closure of major routes and in the interest of public safety and the best interest of our students, face-to-face classes at all levels within the territorial jurisdiction of Iloilo City are hereby suspended on February 13, 2025,” base sa EO sang alkalde. — Aksyon Cedrick Anona