SK Kagawad dakup sa drug buy bust sa Passi City

ILOILO — Arestado paagi sa drug buy bust operation ang 21-anyos nga Sangguniang Kabataan (SK) Kagawad sa Brgy. Man-it, Passi City sang Pebrero 21.

Na-recover sang Station Drug Enforcement Team (SDET) sang Passi City Police Station ang 12 grams sang suspected shabu sa SK Kagawad.

Ginkilala ang subject kay alyas Onyok nga ginakabig sang police nga high value drug personality upod ang isa pa ka lalaki nga lunsay taga Brgy. Batu, Passi City.

Suno kay Police Lieutenant Colonel Benjo Clarite, hepe sang Passi City Police Station, duha ka bulan ang monitoring sang kapulisan kay Onyok tubtob nga nadakpan.

Sa pagpangusisa sang Passi City police, nagahalin sa San Enrique ang supply sang illegal drugs sang subject kag gina-distribute sa Passi City. — Aksyon Paula Elambayo