ICPO gina-monitor kon may dalagku nga drug personalities nga nagapasulod sang illegal drugs sa siyudad

ILOILO— Gina-monitor sang Iloilo City Police Office (ICPO) kon may mga dalagku nga personalities nga naga-engage sa illegal activities sa siyudad.

Indi pa makumpirmar ni ICPO Director Police Colonel Kim Legada kon may mga personalidad nga nagapasulod subong sang dalagku nga supply sang illegal drugs sa siyudad.

Kahapon, nadakpan sang City Drug Enforcement Unit (CDEU) sa drug buy bust operation sa Zone 1 Brgy. Calumpang, Molo si alyas Arriane, 48-anyos nga residente sang Brgy. Bakhaw, Mandurriao kag nakuhaan sang P7.5 million nga balor sang suspected shabu.

Ginakabig si Arriane nga top regional priority kag isa sa mga pinakadaku nga source sang illegal drugs sa Western Visayas

Sa monitoring sang police, nagahalin sa Manila ang supply sang illegal drugs, ginapadala sa courier kag ginapakuha lang ni Arriane sa iya mga tinawo ang drugs.