Mag-amay nga gin-report nga missing sang nagkulob ang ginasakyan nga pumpboat sa Guimaras patay na sang nakit-an

Patay na sang nasapwan kahapon sang hapon si Jonel Gamilong nga nadula sang nagkulob ang iya ginasakyan nga pumpboat sa San Lorenzo, Guimaras.

Suno kay Captain Joje Gania, OIC sang San Lorenzo Municipal Police Station, nagbuligay sa pagpangita kay Gamilong ang mga pulis, taga-Municipal Disaster Risk Reduction and Management Office, PDRRMO Guimaras, Maritime Group, Coastguard kag Bantay-Dagat.

Nakita ang bangkay ni Gamilong 30 metros ang kalayuon halin sa higad sang baybay nga sakop sang Sitio Tumanda, Barangay Cabano, San Lorenzo, Guimaras.

Antes kay Gamilong, una nga nakita ang bangkay sang iya lima ka tuig nga bata kahapon sang aga.

Ma-ariya kuntani sang pukot si Gamilong, upod ang iya bata kag duha ka iban pa sang gin-igo sang balod ang pumpboat gani nasudlan sang tubig kag nagkapan. | Source: University of Antique intern Robert Nietes