P43 million gintigana sang Iloilo Provincial Government para sa mga evacuation centers tungod sa mataas nga heat index

Ginabanta sa P43-million ang gintigana nga pondo sang Provincial Government para sa financial aide sa mga Hazardous Heat Index evacuation centers sa mga kabanwahanan kag kabarangayan.

Ini ang ginbuyagyag ni Iloilo Gov. Arthur Defensor, Jr. sa iya press conference kaina sang ginpaathag niya ang kaundan sang Executive Order no. 20 nga nagaplastar sang mga pagsulundan sa minimum health standards tungod sa mataas nga heat index.

Magluwas diri may donations man sang PDRRMO kag donations sa Office of the Governor.

Dugang niya, ma-meeting pa siya sa taga-PDRRMO sa masunod nga semana para makakuha man sang pondo sa trust fund sang probinsiya.

Nahibaluan nga mahatag ang provincial government sang P100,000 nga financial aide sa mga Hazardous Heat Index evacuation centers sa nga ma-establisar sang banwa kag P25,000 naman sa barangay.

Ang heat index amo ang kapaang nga mabatyagan sa lawas sang tawo tungod sa mataas nga temperatura. – source | Press Conference