ILOILO — Nakuha sa high value individual ang malapit tunga sa million nga balor sang illegal nga druga sa buy bust operation sa Barangay Minanga, Dueñas kagab-i, Abril 18.
Paagi sa impormasyon nga ginpalab-ot sang mga pumuluyo sa police, nadakpan ang subject nga si alyas Nonong sang Poblacion D, Dueñas.
Sa binulan nga monitoring sa subject, nahibaluan nga nagalab-ot siya sa San Enrique, Barotac Nuevo, kag Passi City sa pagbaligya sang illegal nga druga.
Na-recover sa subject ang ginabanta 70 grams sang suspected shabu nga may estimated value nga P476,000.– Aksyon Maria Kayla Tingzon
