ILOCOS NORTE — Natuman ang wish ni Trixia Ann Arellano sang Concepcion Central Elementary School sa Iloilo nga makakuha sang gold medal sa Palarong Pambansa 2025 sa Ilocos Norte.
Nahibaluan nga naga-selebrar sang iya kaadlawan si Arellano samtang naga-compete sa 200-meter dash sa Elementary Girls. Nakuha niya ang gold medal sa nasambit nga kumpetisyon.
“Nagpapasalamat ako sa Panginoon kasi natupad po ‘yung wish ko sa birthday ko,” suno kay Arellano.
Nagapasalamat man siya sa iya pamilya nga todo suporta sa pagpasakop niya sa Palarong Pambansa.
Ginpakigbahin niya nga ang iya iloy ang naghaylo sa iya nga maghampang sa athletics sa paglaum nga ini ang makabulig agud makatapos siya sa pagtuon.
Nagatrabaho nga mangingisda ang iya amay, samtang sa sulod balay ang iya iloy nga naga-atipan sa duha pa niya ka mga utod.
“Sinabihan ako ni mama na sumali kasi baka raw po may chance ako na makapag-Palaro. Nu’ng sumali po ako sunod-sunod na po ang panalo ko. Natupad na rin po ‘yung birthday [wish] ko na maging gold medalist ako sa Palaro,” suno kay Arellano. — with additional information from GMA News
