Taxi kag van nga naga-park sa dalan sa San Miguel, Iloilo nabungguan sang awto nga ginamaneho sang pulis

ILOILO — Nagtakilid sa tunga sang dalan ang awto nga ginamaneho sang pulis sang nasagairan ang naka-park nga taxi sa Brgy. San Jose, San Miguel kahapon sang hapon, May 27.

Suno kay Police Captain Zharra dela Rosa, officer-in-charge sang San Miguel Municipal Police Station, pakadto sa Cabatuan ang awto sang nasagairan ang naka-park nga taxi.

Tungod sa impact, naglupok ang pang-ulihi nga goma sang awto, nagtiyog kag nagtakilid sa tunga sang dalan.

Antes pa magtakilid, naigo sang awto ang van nga naka-park sa tabok sang dalan.

Wasak ang windshield kag bumper sang van samtang na-damage ang likod nga parte sang taxi.

Wala sang may napilasan sa aksidente magluwas sa driver sang van nga nagsaka ang blood pressure gani ginbulong sang nagresponde nga ambulansya.

Ginpahayag sang police nga may ginlikawan ang driver sang awto rason nga nasagairan ang taxi nga naka-park. — Aksyon Paula Elambayo