ILOILO CITY — Anum ka pamilya ukon 17 ka indibidwal ang na-apektuhan sang sunog sa Brgy. Salvacion Habog-Habog, Molo kahapon, Mayo 28.
Lima ka balay kag isa ka bodega ang nasunog, tatlo ka balay ang totally damaged kag partially damaged ang duha ka balay kag isa ka bodega.
Nag-umpisa ang kalayo sa balay sang pamilya Canja kag naglaton sa kaiping nga pamalay.
Nabudlayan ang mga bombero sa pagpasulod sang firetruck sa lugar tungod sa makitid nga dalan.
Naglab-ut sa 3rd alarm ang sunog antes gindeklarar nga fire out mga las 4:55 sang hapon.
Wala sang may napilasan sa sunog. Gina-imbestigaran na sang BFP-Iloilo City ang ginhalinan kag kahalitan sang sunog.
Temporaryo nga nagatiner sa duha ka evacuation centers ang mga pamilya nga apektado —duha ka pamilya sa Iloilo City National High School kag tatlo ka pamilya ang yara sa Baluarte Elementary School.
