ILOILO — Patay ang driver sang motorsiklo sang nakabunggo sa sumalang nga pick up sa Barangay Acuit, Barotac Nuevo mga las-9:30 kagab-i.
Suno kay Police Lieutenant Johnny Bondoc, deputy chief sang Barotac Nuevo Municipal Police Station, halin sa Iloilo City ang motorsiklo sang nag-overtake ini sa ginasundan nga Ceres bus kag nabungguan ang nasumalang nga pick up.
Tungod sa impact, nagtabog ang driver sang motorsiklo kag nalasakan sang Ceres bus.
Nakaagum sang head injury kag pilas sa nagkalain-lain nga parte sang lawas ang driver sang motor nga gindala pa sa ospital pero gindeklarar nga dead-on-arrival.
Ginkustodiya kagab-i ang drivers sang pick kag Ceres bus pero gin-release subong nga aga sang nagguwa sa imbestigasyon nga wala sila sang sala sa aksidente. — Aksyon Maria Kayla Tingzon
