Driver sang motorsiklo patay sang nabungguan sang depasahero nga jeep sa Pototan; pribado nga salakyan nadalahig sa aksidente

ILOILO — Nagtabog ang 63-anyos nga driver sang motorsiklo sang nabungguan sang depasahero nga jeep sa Brgy. Rumbang, Pototan kahapon, Hunyo 4.

Pakadto sa banwa ang Suzuki S-Presso samtang pakadto sa direksyon sang Iloilo City ang motorsiklo kag ang depasahero nga jeep.

Suno kay Police Lieutenant Adrian Baligod, deputy chief of police sang Pototan Municipal Police Station, nagasundanay ang motorsiklo kag ang depasahero nga jeep pakadto sa direksyon sang Iloilo City.

Pag-abot sa lugar, nabungguan sang jeep ang motorsiklo rason nga nagtabog ang driver sa dalan.

Tungod sini, nabungguan sang motorsiklo ang likod sang salakyan nga nagapaliko sa intersection.

Gindala sa ospital ang driver sang motorsiklo pero gindeklarar nga dead-on-arrival tungod sa patal nga pilas sa ulo kag sa iya lawas.

Wala sang may napilasan sa sakay sang pribado nga salakyan kag sang jeep.

Wala sang may gin-detain nga driver tungod nag-aregluhanay ang mga involved suno sa police. — Aksyon Paula Elambayo