ILOILO City — Nagtabog kag nalipong ang 18-anyos nga estudyante sang nabungguan sang ambulansya sang police samtang nagatabok sa pedestrian lane sa Dungon B, Jaro kahapon sang aga, Hunyo 4.
Ambulansya sang Regional Medical and Dental Unit sang Police Regional Office (PRO) 6 ang nakabunggo sa babaye nga tumandok sang Masbate City pero naga-board lang sa Dungon B, Jaro.
Suno kay traffic investigator Patrolman Cesar Hablero, pakadto kuntani sa Iloilo Police Provincial Office ang ambulansya nga ginamaneho sang police nga nagarangko Corporal.
Sa initial nga imbestigasyon, na-alang-alang ang ambulansya sang nagtabok ang estudyante pakadto sa side sang Westwoods Subdivision.
Nagadali ang estudyante tungod makuha pa sang exam, suno sa police.
Tungod sa impact, nagtabog ang estudyante sang ginabanta apat ka metros.
Gilayon nga ginkarga sa ambulansya ang biktima kag gindala sa ospital.
Gin-custody ang driver sang ambulansya sa Police Station 3 sa Jaro. — Aksyon Farrah Mae Morano
