ILOILO — Na-recover ang malapit P1 million nga balor sang suspected shabu sa drug buy bust sa Brgy. Lumbia, Estancia mga la-1 kaina sang kaagahon.
Sa operasyon sang Station Drug Enforcement Team sang Estancia Municipal Police Station, nadakpan si alyas An-An, 22-anyos, nga residente sang Purok 1, Brgy. Ipil, Balasan.
Si An-an nga ginakabig high value individual (HVI) drug personality ang nakaagi na preso sa kaso may kaangtanan sa illegal nga druga sang 2023 kag nakaguwa sang nagpiyansa sang 2024.
Naglab-ot sa duha ka bulan ang monitoring sa subject tubtob nadakpan.
Nakuha kay An-an ang apat oa dalagko nga sachets sang suspected shabu nga ginabanta nagabug-at sang 137 grams kag may standard drug price P932,144. — Aksyon Maria Kayla Tingzon
