Nakuhaan sang P340,000 nga balor sang suspected shabu ang mag-live in partner sa gin-conduct nga drug bust operation sa Barangay Calumpang, Molo la-1:23 subong nga hapon.
Suno kay Police Lieutenant Lloyd Pagulayan, deputy chief of police sang Police Station 4 sa Molo, na-monitor ang illegal drug activities sang mag-live in partner nga kanday alyas Darlene, 29-anyos kag alyas Ansoy, 23-anyos, lunsay residente sang Brgy. Boulevard, Molo, tungod sa impormasyon nga ginpalab-ot sa ila sang concerned citizen nga nagtawag sa E911 hotline.
Ginpabutyag ni Pagulayan nga ginasaylo-saylo sang mag-live in partner ang lugar sa diin nila luyag matabu ang transaksyon agud indi sila dali madakpan.
Naglab-ot sa duha ka semana ang monitoring sang police sa subjects kag natukiban nga sa Barangay Bakhaw, Mandurriao nila ginakuha ang illegal nga druga nga ila ginabaligya.
Na-recover sa operasyon ang siya ka sachets sang suspected shabu nga ginabanta nagabug-at sang 50 gramos. — Aksyon Maria Kayla Tingzon
