ILOILO CITY — Nagpaguwa sang Executive Order si Iloilo City Mayor Raisa Treñas-Chu nga naga-reorganize sang Task Force Boltahe agud mag-monitor sa illegal electrical connections nga masami ginahalinan sang sunog sa siyudad.
Sandig sa Executive Order No. 015, ginahatagan sang otoridad agud mag-inspeksyon, mag-report, mag-disconnect, kag mag-file sang kaso ang mga katapo sang Task Force Boltahe batuk sa mga nagalapas sa R.A. 7832 ukon ang Anti-Electricity Pilferage Act of 1994.
Katuyuan sang amo nga EO nga matapna ang lapnagon nga pagluntad sang sunog sa mga barangay sa siyudad nga resulta sang illegal nga pag-tap sang kuryente, partikular sa mga linya sang city streetlights kag iban pa nga pasilidad sang City Government.
Tuyo man sini nga matapna ang paggamit sang kuryente halin sa streetlights, public schools, gymnasiums, plazas, kag mga merkado kon diin gobyerno ang nagabayad sini.
Makoordinar ang Task Force Boltahe sa MORE Power kag sa City Legal Office agud masiguro nga legal kag patas ang ila himuon nga mga aksyon. — Aksyon Marvin Malificiar
