ILOILO — Sa inisyal nga impormasyon, ginabanta sa 800 ka mga botelya sang isa ka litro sang softdrinks ang nagkalabuka sang natumba ang truck sa Brgy. Ungka 1, Pavia kaina sang hapon.
Sa pagpangusisa sang Aksyon Radyo Iloilo news team sa driver sang truck, halin sa bangga sang Brgy. Ungka 1 ang truck kag nagliko sa pihak nga dalan.
Ginpahayag sang driver nga samtang nagapaliko, nabatyagan niya nga amat-amat nagatakilid ang truck tungod sa kabug-aton sang karga
Ginahimos pa sang driver upod ang iban niya nga mga upod ang mga nabuka nga botelya sa dalan. — Aksyon Paula Elambayo
