Pangayaw nga solterito dakup sa drug buy bust sa Guimbal; subject ginahimo nga “runner” sang illegal drugs suno sa pulis

ILOILO — Arestado ang 16-anyos nga solterito sa buy bust operation sang Station Drug Enforcement Team sang Guimbal Municipal Police Station sa Brgy. Bagumbayan, Guimbal pasado la-1:30 kaina sang hapon.

Ginkilala ang nadakpan kay alyas Carl nga taga-Miagao.

Suno kay Police Lieutenant Ronie Saldevilla, deputy chief of police sang Guimbal Municipal Police Station, subject sang operasyon ang magulang ni Carl pero nakibot sang nag-abot ang solterito sa lugar.

Ginpahayag sang police nga ginahimo runner sang magulang si Carl agud magtransaksyon sang ilegal nga droga sa mga kaiping nga kabanwahanan.

Na-recover sa operasyon ang duha ka sachets sang suspected shabu nga nagabalor sang P27,000.

Yara sa kustodiya sang Municipal Social Welfare and Development Office sang Guimbal ang solterito. –– Aksyon Paula Elambayo