ILOILO CITY — Nahulog ang awto sa kilid sang karsada sang ginlikawan ang sumalang nga motorsiklo sa Barangay Our Lady of Lourdes, Jaro kaina sang hapon.
Suno kay Patrolman Mark Anthony Amogod, imbestigador sang Traffic Enforcement Unit, halin sa Bolilao, Mandurriao ang awto kag pa-liko pasulod sa direksyon sang Iloilo Sports Complex sang may nasumalang nga motorsiklo nga paguwa sa bangga.
Tungod sini, nakibot ang driver kag imbes preno, accelerator ang iya natapakan kag ginkabig pa-tuo ang manibela gani nahulog sa kilid sang karsada.
Pagkahulog sang awto, nasagairan sini ang trisikad nga naka-park sa kilid sang balay.
Wala sang napilasan sa insidente.
Damaged ang bumper kag hood sang awto. — Aksyon Maria Kayla Tingzon
