ILOILO — Patay ang 28-anyos nga pahinante sang nalasakan sang truck sa Sitio Laguerta Brgy. San Jose, San Miguel kahapon sang kaagahon, Hulyo 29.
Ginkilala ang napatay kay alyas Rey sang Sigma, Capiz samtang ginamaneho ni alyas Ren ang truck.
Suno kay Police Captain Bryan Alejo, officer-in-charge sang San Miguel Municipal Police Station, nagakatulog sa idalum sang naka-park nga dump truck ang pahinante sang natabo ang insidente.
Nagaguwa sa imbestigasyon sang police nga malakat na kuntani ang truck sang nag-atras pero nakibot ang driver sang nagsinggit ang iya upod.
Tungod sini, nagpanaog ang driver kag nakit-an ang pahinante sa idalum sang truck.
Yara sa impluwensiya sang makahulubog nga ilimnon ang pahinante nga masami nagatulog sa idalum sang truck suno sa police.
Patal nga pilas sa ulo ang rason sang kamatayon sang pahinante. — Aksyon Paula Elambayo
Indi na magpasaka sang kaso ang pamilya sang pahinante suno sa police.
