Lalaki nga nagahampang sang baraha sa namatyan sa Cabatuan, patay sang nabun-an; suspek nakapalagyo

Patay ang lalaki sang nabun-an sa namatyan sa Barangay Lutac, Cabatuan pasado las-10 sang gab-I sang Agosto 3.

Suno kay Police Lieutenant Vito Bastiero, deputy chief of police sang Cabatuan Municipal Police Station, pareho nga naka-inom samtang nagahampang sang baraha ang suspect nga si alyas Tito upod sa biktima nga si alyas Carmelo.

Dugang ni Bastiero, tungod sa pagkumod-kumod ni Carmelo, nagbaisay sila ni Tito.

Naglab-ot sa punto nga ginsumbag tubtob ginbuno sang suspect ang biktima.

Gindala pa sa ospital ang biktima pero gindeklarar nga dead-on-arrival tungod sang pilas sa tiyan.

Pagkatapos sang insidente ginpangita sang police ang suspect tubtob sa ila balay tungod nakasugid ang iya utod nga nabatyagan niya nga may nagsulod.

Na-recover sa balay sang suspect ang kutsilyo nga may dugo pa. — Aksyon Maria Kayla Tingzon