ILOILO — Dakup sa buy bust operation ang anay suldado kag duha ka iban pa sa Brgy. Bularan, Banate pasado las-3:20 kaina sang hapon.
Ginkilala ang main subject kay alyas Ricric, 38-anyos nga anay suldado kag naga-obra sa Local Government Unit sang Pototan. Nadakpan man ang iya live-in partner nga si alyas Nene, 30-anyos, kag alyas Mama, 42-anyos.
Suno kay Police Captain Randy Lambungan, officer-in-charge sang Banate Municipal Police Station, halin pa sang Mayo subong nga tuig ang monitoring sa main subject tubtob nga nahuman ang transaksyon kaina sang hapon.
Sa monitoring sang police, naka-agi na nadakpan sa buy bust operation sa Pototan ang main subject pero nakaguwa.
Ginpahayag ni Lambungan nga nabuhinan na ang dala nga items sang main subject tungod nag-deliver na sang illegal drugs sa Anilao.
Sa pagpangusisa sang pulis, si Mama ang ginasugo ni Ricric agud magbaligya sang illegal drugs sa Banate.
Na-recover ang 10 grams nga kabug-aton sang suspected shabu nga nagabalor sang P68,000.
Magluwas sa drug items, na-recover man ang calibre 40 pistol sa main subject.
