ILOILO — Ginpahibalo sang local government unit sang Carles nga siraduhan sa publiko sa bug-os nga Septiyembre ang bantog nga Tangke Lagoon, isa sa mga ginabisitahan kon magpadulong sa Isla Gigantes.
Base sa Executive Order No. 94, series of 2025 nga pirmado ni Carles Mayor Arnold Betita II, katuyuan sang closure nga makapahuway kag maka-recover ang tourist site.
Magluwas diri, luyag man proteksyunan sang LGU ang mga turista ilabe pa nga makusog ang balod sa entrance sang Tangke Lagoon tungod sa Habagat season.
Puwede naman mabisitahan ang iban nga tourist sites sa nasambit nga isla.
