ILOILO — Dakup ang buko juice vendor sa drug buy bust operation sa Barangay Poblacion East, Oton, kahapon, Agosto 31.
Suno kay Police Lieutenant Colonel Ahlie Estember, hepe sang Oton Municipal Police Station, gin-ako sang subject nga si alyas Gerald 44-anyos, nga nagagamit kag nagabaligya siya sang illegal nga druga.
Dugang ni Estember, 30-anyos pa lang ang subject sang nagsugod siya gamit sang illegal nga druga kag extra income ang iya rason sa pagbaligya sang illegal nga druga.
Tokhang surrenderer man ang subject suno sa police.
Sa monitoring sang police, sa Brgy. Bakhaw, Mandurriao ang source sang illegal nga druga sang subject nga iya ginabaligya sa ila lugar kag kaiping nga banwa.
Na-recover sa subject ang anum ka sachets sang suspected shabu nga ginabanta nagabug-at 20 grams kag nagabalor sang P136,000. — Robert Nietes, ARI Trainee Reporter
