ILOILO CITY — Naglab-ut sa P816,000 ang balor sang lima ka sachets kag tatlo la dalagko nga pinutos sang suspected shabu nga na-recover sa drug buy bust operation sa Barangay Cuartero, Jaro kagab-i, Sept. 1.
Suno kay Police Captain Roque Gemino III, hepe sang City Drug Enforcement Unit, ang subject nga si Toto Boy, 34-anyos, ang ginakuhaan sang supply sang illegal nga druga sang mga nagkaladakpan sa tinalikdan nga mga drug buy bust operation.
Nagpamalibad naman si Gimeno nga ibuyagyag ang source sang subject tungod gina-monitor na nila para madakup sa masunod nga operasyon.
Malapit isa ka bulan nga gin-monitor ang subject tubtob nadakpan.
Ginabanta 120 grams sang suspected shabu ang nakuha sa subject.
