Patay ang tricycle driver sang nakabunggo sa kasugata nga truck sa Brgy. Santo Rosario Buenavista, Guimaras kahapon, Sept. 5.
Suno kay Police Captain Rene Mercado, officer-in- charge sang Buenavista Municipal Police Station, halin sa Brgy. Sto. Rosario kag padulong sa Brgy. New Poblacion ang tricycle.
Ginpahayag sang police nga antes pa nakabunggo sa truck, nag-overtake sa ginasundan nga tricycle ang napatay.
Tungod sa impact, nagtabog ang driver sang tricycle sa bumper sang truck gani nalampos ang ulo nga gintunaan sang iya kamatayon.
Dead-on-arrival sa ospital ang driver sang tricycle.
Gin-detain sa Buenavista Municipal Police Station ang driver sang truck. — ARI trainee Robert Nietes
