ILOILO — Ginlabo sa liug ang manghod sang iya magulang sa Barangay Lumbia, Estancia kahapon, Sept. 8.
Suno kay Police Major John Salvador Bello, hepe sang Estancia Municipal Police Station, yara sa impluwensiya sang makahulubog nga ilimnon ang magulang nga si Rocky, ginabanta 40-anyos ang edad, sang nakomiter ang krimen.
Yara sa sulod sang kwarto ang manghod nga si Jane, 28-anyos sang ginsulod siya sang iya magulang.
May mga gasgas pa sa kamot ang duha nga nagapatimaan nga nagbato pa ang manghod.
Masami naga-inom sa guwa sang ila balay kon hapon ang magulang pero ini ang una nga tion nga ginsakit niya ang iya manghod.
Ginpabutyag man ni Bello nga sang nagresponder sila, nagakadlaw pa samtang nagapungko ang suspect.
Wala nalakip ang suspect sa drugs watchlist sang police pero ginahibalo pa nila kon nakagamit siya sang illegal nga druga tungod nanibag-o ang iya pamilya sa iya aktwasyon.
Gin-refer na sa ospital sa Iloilo City ang manghod agud mabulong.
Preso sa Estancia police station ang suspect. — Aksyon Maria Kayla Tingzon
