ILOILO CITY — Nakuha ang masobra P700,000 nga balor sang suspected shabu sa lima ka nagkaladakpan sa drug buy bust operation sa Brgy. Lanit, Jaro la-1:25 subong nga hapon.
Suno kay Police Captain Roque Gimeno III, chief sang City Drug Enforcement Unit (CDEU), nakapalagyo ang target nga si alyas Gamay, 34-anyos sang namutikan nga police ang iya katransaksyon.
Nadakpan naman ang iya live-in partner nga si Cess 31-anyos; kag ila mga parokyano nga nagaserbe man runner nga kanday alyas Kim, 36-anyos, Tagoy, 58-anyos; Kimboy, 18-anyos kag Torap, 34-anyos, lunsay residente sang amo nga barangay.
Sa malapit duha ka bulan nga monitoring sang police, natukiban nga si alyas Gamay ang ginakuhaan sang subject nga taga-Miagao nga nadakpan man sa barangay sang tinalikdan nga mga semana.
Nagpamalibad pa si Gimeno sa paghatag sang ngalan sang source sang subject tungod ila na siya nga gina-monitor.
Na-recover sa operation ang pulo ka sachets kag duha ka dalagku nga pinutos sang suspected shabu nga ginabanta nagabug-at 110 gramos. — Aksyon Maria Kayla Tingzon
