ILOILO CITY — Nasapwan ang bangkay nga nagalutaw sa kilid sang fishport complex sa Tanza Baybay, City Proper kahapon, Sept. 26.
Suno kay Captain Michael Tuburan, hepe sang Iloilo City Police Station 7, ang bangkay amo ang manugpangisda nga na-missing sa Miagao sang September 24.
Ginkilala sang iya pamilya ang bangkay kay Noel Canton, 44-anyos sang Baybay Norte, Miagao.
Una na nga gin-report nga las-4 sa hapon sang nagpalawod ang manugpangisda pero wala na nakapauli.
Nakita ang pumpboat ni Canton sa Oton las-7 sang Huwebes sang aga.
