ILOILO — Ginsulod ang isa kabaligyaan sang cellphone sa Poblacion, Zarraga kaina sang aga.
Suno kay Police Lieutenant Renel Lauron, Officer-in-Charge (OIC) sang Zarraga Municipal Police Station, nakibot na lang ang bantay pagbukas sa store nga wala na ang iban nga cellphones.
Wala sang forcible entry nga nakita ang police, magluwas sa buslot nga nakita sa likod sang store.
Base sa imbestigasyon sang police, nadula ang 42 ka unit sang touchscreen cellphone nga second-hand nga na-display sa cabinet.
Magluwas sa mga cellphone nga nagabalor sang P148,300 tanan, nadula man ang P30,000 cash.
Sa kabug-usan, P178,300 ang nataban sang kawatan. — Aksyon Angel Mae Ciudad
