Dead-on-arrival sa ospital ang graduating student sang nalumos makaligad nagpangisda sa baybayon sang Brgy. Langubngub, Buruanga, Aklan las-7:30 kagab-i.
Ginkilala ang estudyante kay Christian John Rivera, 22-anyos, residente sang Brgy. Bagongbayan, Buruanga, Aklan.
Suno kay Police Senior Master Sergeant Nedardin Patani, imbestigador sang Buruanga Municipal Police Station, naglangoy si Rivera padulong sa tunga nga porsyon sang lawod agud magpangisda apang wala na nakabutwa.
Base sa panaysayon sang iya abyan sa pulis, duha na ka oras ang nagligad sang nagpadulong sa tunga sang baybay si Rivera apang wala siya nakabutwa.
Las-9:41 kaina sang aga sang nakit-an ang bangkay sang estudyante 25 ka metros ang kalayuon halin sa shoreline. — ARI trainee Robert Nietes
