ILOILO — Patay ang maestro sang gintiro samtang nagamaneho sang SUV sa Brgy. Punong Grande, Dueñas kahapon, Sept. 30.
Ginkilala ang biktima kay alyas Richard nga maestro sa Passi City
Suno kay Police Captain Francis John Layog, hepe sang Dueñas Municipal Police Station, upod sang maestro ang iya bata nga menor-de-edad sang gintiro sa sulod sang salakyan.
Wala napilasan ang bata, suno sa police.
Base sa reliable source sang Aksyon Radyo Iloilo, sa ulo ang igo sang maestro.
Nagatipon sang CCTV footages ang kapulisan agud madasig nga ma-identify ang suspek nga nagaisahanon kag nagpalagyo sakay sang motorsiklo. — Aksyon Paula Elambayo
