ILOILO CITY — Liwat nga nadakpan sa drug buy bust operation ang anay preso sa Zone 1 Brgy. Rizal Pala-Pala I, City Proper sang Oktubre 2 sang gab-i.
Suno kay Police Captain Marvin Villanueva, deputy chief sang Regional Police Drug Enforcement Unit, nadakpan man sang 2021 may kaangtanan sa illegal nga druga ang subject kag na-dismiss ang iya kaso subong nga tuig.
Ginabaligya sang subject ang illegal nga druga sa probinsya kag syudad sang Iloilo apang padayon nga ginahibalo ang source.
Ginakabig nga high value drug personality ang subject, suno sa police.
Na-recover sa subject ang ginabanta 220 grams sang suspected shabu.
Preso sa Iloilo City Police Station 7 sa City Proper ang subject. — ARI trainee Robert Nietes
