ILOILO — Nakuha sa tricycle driver nga nadakpan sa drug bust operation sa Brgy. Bacong, Dumangas ang P102,000 nga balor sang suspected shabu kahapon, Oktubre 8.
Suno kay Police Major Kenn Albert Lepsia, hepe sang Dumangas Municipal Police Station, nakabaton sila sang impormasyon halin sa concerned citizen nga nagabaligya sang illegal nga druga ang subject nga si alyas Ron, 40-anyos gani ila gin-monitor tubtob nakumpirmar ang iya aktibidad.
Dugang ni Lepsia, nagabiyahe sang tricycle ang subject kag gina-ulayhon ang pagdul-ong sang illegal nga druga sa mabakal.
May impormasyon na ang kapulisan kon diin pa nagalab-ot sa pagbaligya kag nagakuha sang illegal nga druga ang subject pero nagpamalibad si Lepsia nga ibuyagyag ang impormasyon tungod ila na nga gina-monitor.
Na-recover sa operasyon ang tatlo ka sachets sang suspected shabu nga ginabanta nagabug-at sang 15 gramos. — Aksyon Maria Kayla Tingzon
