3 ka tuig nga bata nga babaye patay sang nalumos sa sapa sa Brgy. Sambag, Jaro

ILOILO CITY — Patay ang tatlo ka tuig nga bata nga babaye sang nalumos sa sapa sa Brgy. Sambag, Jaro kagab-i.

Suno kay Kagawad Roy Fama sang Brgy. Sambag, Jaro, las-5 kahapon sang hapon sang gin-report nga nadula ang bata.

Sa pagpangusisa sang kagawad, posible wala natalupangdan sang mga himata nga nabuksan sang bata ang pwertahan sa likod sang ila balay.

May kalayuon ang balay sa sapa kon sa diin nasapwan ang bata, suno sa kagawad.

Tuman ang kasubo sang pamilya tungod kahapon ang death anniversary sang iloy sang bata. — Aksyon Paula Elambayo