Masobra 200 ka pasahero nga matabok pa-Guimaras na-stranded sa Parola Wharf sang ginkanselar ang biyahe

ILOILO CITY — As of las-5:30 kaina sang hapon, 206 ka mga pasahero ang stranded sa siyudad tungod sa pagkanselar sang biyahe sang mga sakayan base sa record sang city government.

Gindul-ungan naman sang panyapon sang city government ang mga pasahero.

Suno kay Joy Fantilaga-Gorzal, spokesperson ni Iloilo City Mayor Raisa Treñas, pangitaan man sang taga-City Social Welfare and Development Office (CSWDO) sang temporaryo nga mateniran ang mga stranded passengers nga wala sang matulugan subong nga gab-i.