Nagtukod ang Iloilo Police Provincial Office (IPPO) sang Special Investigation Team (SIT) nga magatutok sa imbestigasyon sa pag-rape kag pagpatay sa 7 ka tuig nga si alyas Mimi nga nasapwan sa sulod sang sako sa Barangay Tampucao, Lambunao.

Suno kay IPPO spokesperson, Major Rolando Araño, nagtingob nga pwersa sang kapulisan ang naga-imbestigar para hibaluon ang matuod nga natabo kay Mimi antes nasapwan sa sulod sang sako kag ginhal-id sa banyo sa balay sang iya amay sang Nobyembre 8.

Nagmandu na si IPPO director Colonel Bayani Razalan sa Lambunao police nga id-idan kag padalman ang imbestigasyon sa pagpatay sa biktima, suno kay Araño.

Una na nga ginkumpirmar ni Captain Jose Winston Biadog, hepe sang Lambunao Police Station nga ginhimuslan si Mimi, base sa resulta sang autopsy nga gin-conduct ni Dr. Owen Lebaquin.

Sa subong may lima na ka persons of interest ang pulis sa pagpatay sa bata. — Aksyon Farrah Mae Morano