ILOILO CITY — Temprano pa ginpapuli ang mga estudyante sang Iloilo Science and Technology University sa La Paz makaligad ginpuhag sang bomb threat ang unibersidad kaina sang aga.
Nakabaton sang mensahe ang Facebook page sang mga estudyante sang ISAT-U nga may bomba sa Old Site kag New Site sang unibersidad// May estudyante sa amo nga page ang nakabasa sang bomb threat gani gin-report sa adviser.
Gin-report naman ini sang adviser sa pamunuan sang ISAT-U gani nagdeklarar sang suspensyon sang face-to-face classes.
Suno kay Prof. Heinz Gumaquil, information officer sang unibersidad, imbestigaran nila upod sa mga otoridad kon sin-o ang nagpadala sang bomb threat.
Indi pa matumod kon lehitimo ang account nga nagpadala sang bomb threat sa amo nga FB page pero gina-check na sa records kon may estudyante ukon may kaangtanan ang amo nga ngalan sa unibersidad.
Ginlibot sang taga-Explosive Ordnance Division ang old site kag new site kag nakumpirmar nga wala sang bomba,
Ini na ang ikaduha nga bomb threat nga natabo sa siyudad subong nga semana// Kahapon, ginpuhag man sang bomb threat ang University of San Agustin extension campus sa Sambag, Jaro. — Aksyon Marvin Malificiar
