Ginakondenar sang Department of Social Welfare and Development (DSWD) ang gin-report nga pagbuhin sang ayuda nga ginapanagtag sa mga benepisyaryo sang Assistance to Individual in Crisis Situation (AICS) program sa Brgy. Quintin Salas sa Jaro.
Tungod sini, nagpasalig si DSWD Asst. Secretary Irene Dumlao nga imbestigaran ang amo nga reports agud mapasiguro nga mapasabat ang mga responsable.
Ginpaathag ni Dumlao nga ang tanan nga cash assistance sa idalum sang AICS ang dapat bilog nga mabaton sang mga kwalipikado nga benepisyaryo nga wala sang ano man nga kondisyon.
“The Department strongly condemns this kind of act which directly deprives beneficiaries of the full assistance intended for them. Ang ayuda para sa mga nangangailangan ay dapat buo nilang makukuha at hindi puwedeng bawiin o bawasan,” suno kay DSWD Asec. Irene Dumlao.
Gin-claim sang mga benepisyaryo nga ginbuhinan sang barangay officials sang P8,000 ang P10,000 nga cash aid nga ila nabaton gani P2,000 na lang ang bilin sa ila. — DSWD
