ILOILO — Wala na nakaguwa pa kag napatay sa sulod sang iya nasunog nga balay ang 76-anyos nga babaye sa Barangay Cabayogan, Badiangan kahapon, Nobyembre 20.
Suno kay SFO4 Ronita Lapating, municipal fire marshal sang Badiangan Municipal Fire Station, nakabati ang kasilingan sang tigulang nga may nagalupok-lupok halin sa iya kusina gani gintawag ang atensyon sang naga-istar.
Human sa light materials ang balay gani madasig nga naglapta ang kalayo.
Nakit-an ang tigulang upod ang iya walker, sa iya balkon gani ginalantaw sang mga bumbero nga magguwa na kuntani siya pero nakasandad sa halintang.
Wala sang upod ang tigulang sang natabu ang sunog tungod ginsugat sang caretaker sang balay, nga nagaserbe man niya caregiver, ang bata niya.
Totally damaged ang balay kag ginahibalo pa sang mga bumbero kon pila ang kahalitan sang sunog. — Aksyon Maria Kayla Tingzon
