Masobra P2 million nga balor sang suspected shabu na-recover sa pangayaw sa Oton

ILOILO — Pagbaligya sang illegal nga druga ang palangabuhian sang subject nga nadakpan sa drug bust operation sa Brgy. San Nicolas Oton, kahapon, Nobyembre 21.

Ini suno kay Police Major Marvin Villanueva, deputy chief sang Regional Police Drug Enforcement Unit 6 (RPDEU).

Sa operasyon, na-recover ang ginabanta 350 grams nga kabug-aton sang suspected shabu sa subject nga si alyas Edward, 43- anyos. May motorsiklo ang subject nga amo ang ginagamit nga service sa pagbaligya sang illegal nga druga, suno sa pulis.

Suno kay Villanueva, nakaagi na-preso sang Abril 2016 may kaangtanan sa illegal nga druga ang subject kag nakaguwa sang Nobyembre 2019 paagi sa plea bargaining agreement.

Ginabaligya sang subject ang illegal nga druga sa Iloilo City kag sa probinsiya sang Iloilo. — ARI Trainee reporter Robert Nietes