ILOILO — Patay na sang nasapwan sa nabukid nga dalan sa Brgy. Bolocaue, Miagao, ang konduktor sang jeep pasado las-4:00 kaina sang kaagahon.
Suno kay Police Major Richard Lao, hepe sang Miagao Municipal Police Station, may gunshot wounds sa abaga kag wala nga tiil ang nasapwan nga si alyas Bulldog, 30- anyos.
Sa inisyal nga imbestigasyon sang pulis, papuli kuntani sa Brgy. Taal, Miag-ao ang konduktor sang ginlambatan sa dalan kag gintiro.
Gintinguhaan nga madala sa ospital ang konduktor apang gindeklarar nga dead-on-arrival.
Nagapadayon ang imbestigasyon sang pulis. — ARI trainee Robert Nietes
