ILOILO — Na-recover ang masobra P5.2 million nga balor sang suspected shabu sa anay Punong Barangay nga subject sang drug buy bust operation las-12:50 kaina sang kaagahon.
Ginhimo ang operasyon sa Peoples Village, Brgy Calapdan, Estancia.
Ginkilala ang subject kay Paolo Aldeguer Salcedo, 40-anyos, residente sang Brgy Poblacion Market, Sara nga ginakabig sang pulis nga Regional Target Priority List.
Suno kay Major Dadje Delima, chief sang Provincial Drug Enforcement Unit (PDEU), isa si Salcedo sa mga ginahulugan sang daku nga supply sang illegal drugs ni alyas Chi-Chi, ang nadakpan sang nagligad nga operasyon sa Aldeguer, Sara.
Sa monitoring, kay alyas Toto sa Luzon nagahalin ang dalagku nga supply nga ginabaligya sa Visayas.
Gina-imbeatigaran sang PDEU ang illegal activities sa probinsya. — Aksyon Farrah Morano
